Mitropoliti i kishës serbe dhe ndjekësve të tij i është ndaluar mbajtja e liturgjisë brenda kishës së Shën Gjonit në Shas.
Pas përplasjes së ndodhur në hyrje të qytetit të vjetër të Shasit ku banorët vendas të Anës së Malit bllokuan rrugëtimin e ndjekësve të kishës serbe, policia iu hapi rrugën por që nuk i la për të hyrë në kishën e Shën Gjonit në Kalanë e Shasit, aty ku edhe ishte planifikuar më parë aktiviteti, shkruan Ulqini Online.
Sipas informacioneve policia e mori këtë veprim pasi aktiviteti i kishës serbe nuk është lajmëruar me kohë por edhe nga apeli i Ministrisë së kulturës – Drejtoria për mbrojtjen e vlerave kulturore dhe Këshillit Kombëtar Shqiptar pasi ka pasur indikacione që mund të vijë deri te prishja e rendit dhe qetësisë publike.
