Lideri i partisë Alternativa për Ndryshim (APN), njëkohësisht kreu i Komunës së Preshevës ka kaluar kufijtë gjeografikë të Preshevës gjatë fushatës parazgjedhore.
Shqiprim Arifi ka zhvilluar një takim me bashkëatdhetarë në St.Mragarethen (SG) të Zvicrës.
Në këtë takim, Arifi foli me shqiptarët rreth zhvillimeve politike dhe shoqërore në Luginën e Preshevës, si dhe për rolin e diasporës në proceset politikbërëse dhe zhvillimin ekonomik.
Teksa foli për infrastrukturën, Arifi foli edhe për projekte të komunës që janë në realizim e sipër.
Kreu i Komunës tha se aktualisht po punohet me projektin e asfaltimit të rrugës “Karposh”, një rrugë e frekuentuar e bizneseve.
Po ashtu, Arifi tha se një vendim i rëndësishëm është hapja e kufirit Miratoc-Llojan, që sipas tij e ka ndarë biznesin, komunikimin dhe familjet shqiptare në këtë shekull.
