Kreu i Komunës së Preshevës, Shqiprim Arifi ka marrë pjesë në Unionin e Bashkive Shqiptare të Rajonit, mbajtur në Prishtinë me rastin e 10-vjetorit të Pavarësisë.
Arifi, së bashku me 5 kryetarë të komunave shqiptare në Ballkan, u prit nga Shpend Ahmeti, kryetar i Prishtinës.
Ky ishte takimi i dytë i Unionit të Komunave Shqiptare të Rajonit, ndërsa gjatë fjalës së tij, Arifi tha:
“Sot, bashkë me kolegët nga Tirana, Prishtina, Tetova, Ulqini, Gostivari dhe Prizreni prezantuam dhe shkëmbyem përvojat e pushteteve lokale në fushën e mbrojtjes së ambientit. Një eksperiencë e shkëlqyer dhe një mundësi shumë e mirë e transmetimit të njohurive dhe shkathtësive nga një komunë tek tjetra”.
Në këtë takim, morën pjesë:
-Shpend A. Ahmeti – Kryetar i Komunës së Prishtinës;
-Erion Veliaj – Kryetar i Bashkisë së Tiranës;
-Teuta Arifi – Kryetare e Komunës së Tetovës;
-Arben Taravari – Kryetar i Komunës së Gostivarit;
-Shqiprim Arifi – Kryetar i Komunës së Preshevës;
-Mytaher Haskuka – Kryetar i Komunës së Prizrenit;
-Arian Murati – Nënkryetar i Komunës së Ulqinit.
