Shqiptarët bëjnë heroin dhe mposhtin Serbinë me përmbysje në ndeshjen e dytë të vlefshme në grupin D të Kupës së Botës. Ishte një supergol nga Xhaka dhe një kundërsulm vrasës nga Shaqiri që vendosën në këtë sfidë. Një fitore që vlen shumë për helvetët të cilët kanë barazuar me katër pikë Brazilin në krye të grupit.
Serbia e filloi ndeshjen mjaft mirë ku gjeti golin në vetëm 5’ minuta lojë dhe ishte Aleksandër Mitrovic që shënon një gol mjaft të bukur me kokë. Qendërsulmuesi shleu gabimet e bëra në ndeshjen e parë ndaj Kosta Rika dhe mposhti portieri Sommer me një goditje të saktë, që vlen golin e tij numër 15-të në 18-të ndeshjet e fundit me Serbinë.
Pjesa e parë u luajt më mirë nga ana e serbëve, por Zvicra e barazoi lojën në pjesën e dytë duke barazuar edhe rezultatin në minutën e 52-të me anë të Granit Xhaka.
Futbollisti kosovar i Arsenal tundi rrjetën me një goditje nga rreth 25 metra, që nuk i dha mundësi reagimi portieri kundërshtar, duke realizuar atë që mund të konsiderohet edhe një nga golat më të bukur të këtij kampionati botëror.
Në minutën e fundit, një tjetër kosovar fundosi serbët. Xherdan Shaqiri shënoi gjatë një kundërsulmi duke i dhënë Zvicrës fitoren 2-1, e cila i afron me raundin e ardhshëm të “Rusi 2018”.
