Në Tiranë kryeqytetasit i pret një koncert madhështor në Sheshin Skënderbej, ku pritet të këndojnë artistët më në zë të momentit. Ky Vit i Ri do të festohet pa fishekzjarrë nga qytetarët por vetëm nga institucionet shtetërore.
Në Tiranë dhe të gjitha qytetet, ky është viti i parë që shqiptarëve iu është ndaluar që të hedhin fishekzjarre dhe kapsolla.
Fishekzjarret do të hidhen vetëm nga bashkitë, ndërsa në kryeqytet, pritet të nisë në orën 22:30 një koncert në Sheshin Skënderbej i organizuar nga Bashkia Tiranë.
Në këtë koncert do të jenë të pranishëm këngëtarët Flori Mumajesi, Evi Reçi, Ardit Çuni, Alban Nimani, Ëest Side Family, Eneda Tarifa dhe Eranda Libohova.
Urime për shqiptarët kanë ardhur nga kryetarja e LSI, Monika Kryemadhi. Një urim ka ardhur për punonjësit e Policisë së Shtetit nga Drejtori Ardi Veliu.
Kryeministri Edi Rama i ka uruar të gjithë shqiptarët me anë të një videomesazhi nga zyra e tij në Kryeministri. Rama premtoi më shumë projekte, punësim dhe kërkoi ndjesë për të gjithë shqiptarët që nuk i kanë ndjerë ende efektet e reformave të qeverisë.
Presidenti Meta uroi që viti 2019 të realizojë dëshirën e madhe të hapjes së negociatave me Bashkimin Evropian. Një urim për të gjithë shqiptarët bëri edhe kreu i opozitës, Lulzim Basha.
