Ministri i Jashtëm i Serbisë, Ivica Daçiç, ka ripërsëritur se deklaratat për krijimin e Shqipërisë së Madhe janë kërcënim për vendet e rajonit.
Sipas tij, shqiptarët nuk kanë ndonjë forcë ushtarake apo politike nga e cila duhet të frikësohet ndokush.
“Shqiptarët janë duke luajtur lojën “për të gjitha ose asgjë”, këto deklarata kanë pasur si synim Brukselin e jo Beogradin”, ka thënë ai për TV Pink.
Sipas tij, Brukseli duhet të reagojë fuqishëm ndaj gjërave të tilla e jo të lejojë konflikte.
“Prandaj unë kërkoj që Brukseli të kontribuojë më shumë për stabilitete dhe paqe, e jo për konflikte të reja”, ka thënë Daçiç.
Ky është reagimi i tretë nga Daçiç, pas deklaratave të Hashim Thaçit dhe Edi Ramës për krijimin e Shqipërisë së Madhe.
