Shqipëria e Edi Rejas do ta nisë aventurën e saj të Kualifikuesve të Botërorit 2022 ndaj Andorrës në transfertë më 25 mars të vitit të ardhshëm, ndërsa vetëm 3 ditë më pas, do të matim forcat me yjet e Anglisë në Tiranë.
Në 2 shtator, skuadra e Rejës ka një përballje të madhe me Poloninë e Levandoskit në tokën polake. 3 ditë më pas kuqezinjtë kthehen në atdhe për të luajtur me Hungarinë, një ekip ndaj të cilëve Shqipëria nuk ka kujtime të mira.
Federatat përkatëse diskutuan, një ditë pas hedhjes së shortit, për të përcaktuar kalendarin e ndeshjeve, të cilin Shqipëria do ta mbyllë më 15 nëntor ndaj Andorrës në shtëpi.
Shqipëria është vendosur në grupin I së bashku me Anglinë, Poloninë, Hungarinë, Andorrën dhe San Marinon.
Kalendari i plotë
Ndeshja e parë, 25 Mars 2021: Andorra-Shqipëri
Ndeshja e dytë, 28 Mars 2021: Shqipëri-Angli
Ndeshja e tretë, 31 Mars 2021: San Marino- Shqipëri
Ndeshja e katërt, 2 Shtator 2021: Poloni-Shqipëri
Ndeshja e pestë, 5 Shtator 2021: Shqipëri-Hungari
Ndeshja e gjashtë, 8 Shtator 2021: Shqipëri-San Marino
Ndeshja e shtatë, 9 Tetor 2021: Hungari-Shqipëri
Ndeshja e tetë, 12 Tetor 2021: Shqipëri-Poloni
Ndeshja e nëntë, 12 Nëntor 2021: Angli-Shqipëri
Ndeshja e dhjetë, 15 Nëntor 2021: Shqipëri-Andorra
