“Elbasan Arena” duket se do të jetë e boshatisur në përballjen mes Shqipërisë dhe Izraelit. Tifozët nuk kanë preferuar të shkojnë në stadium pasi forcat e shumta të policisë të pranishme kanë krijuar një ambient aspak sportiv.
Por FSHF ka surprizuar kur vetëm dy orë para ndeshjes së parë në Ligën e Kombeve ka nxjerrë një njoftim të ri për biletat. Duke parë që janë shitur pothuajse vetëm 4000 bileta në një ndeshje të Kombëtares, federata ka nxjerrë një ofertë për tifozët, ku biletat për në stadium shiten me 50% ulje, e thënë ndryshe, me të njëjtën sasi parash tashmë një tifoz mund të blejë dy para.
Por kjo “ofertë” e bërë nga FSHF nuk mund të shfrytëzohet nga tifozët të cilëve u është lajmëruar se duhet të jenë në ambientet e stadiumit 2 orë para se të fillojë takimi.
