Sfida e parë për Shqipërinë në Ligën e Kombeve do të zhvillohet më 7 shtator në “Elbasan Arena” përballë Izraelit, sfidë e vlefshme për grupin G ku bën pjesë dhe Skocia. Dy skuadrat janë përballur edhe dy vite më parë në kuadër të Kupës së Botës dhe gjithçka është në baraspeshë totale. Në Elbasan kuqezinjtë mposhteshin me rezultatin 3-0, ndërsa në përballjen që patë në Izrael fituan me të njëjtin rezultat.
Ndërkohë, UEFA ka zyrtarizuar edhe gjyqtarët e kësaj ndeshjeje. Kryesor do të jetë një emër mjaft i njohur në vitet e kaluara, që ka gjykuar edhe finale kompeticionesh mjaft të rëndësishme. Fjala është për hungarezin Viktor Kassai. Ai do të ndihmohet të japë drejtësi në “Elbasan Arena”, të premten, nga bashkatdhetarët e vet: György Ring dhe Vencel Tóth. Po kështu, do të jenë edhe dy gjyqtar ndihmës shtesë, nga Hungaria: Tamás Bognar dhe Sandor Szabo.
