Kapiteni i Romës, De Rossi ka sqaruar “shpullën” në përballjen me Genoas ndaj Lapadulës në sallën e konferencave para ndeshjes me Qarabag. Roma e Eusebio Di Francescos është përballë një sfide deçizive, që vendos fatin e ekipit italian në Champions League dhe i duhet të sigurojë patjetër fitoren. Për këtë arsye De Rossi është shprehur se ka kërkuar falje për atë episod dhe tani i duhet të mendojë për ndeshjen që ka para.
“Kërkova falje, më shumë nuk mund të bëj. Nëse do të mundja, atëherë do të kthehesha pas në kohë. Tani mundet vetë që të përqendrohem në ndeshjet e ardhshme, sikurse kam bërë gjithmonë. Ndeshja e radhës është vërtetë shumë e rëndësishme dhe të mendoj për atë që ndodhi në Genova, nuk më bën mirë as mua dhe as skuadrës”, deklaroi De Rossi, në mbrojtje të të cilit dolën hapur gjatë ndeshjes ndaj Spal, tifozët e Romës.
