Kreu i Partisë Drejtësi, Integrim dhe Unitet, Shpëtim Idrizi, ka ndarë me ndjekësit e tij në “Facebook”, sloganin, me të cilin partia që ai drejton, do të futet në zgjedhjet e 18 qershorit. Idrizi ka zgjedhur sloganin “Veç Një Atdhe”, dhe shpjegon se ky slogan është thirrja e duhur për kontekstin politik të trazuar të tanishëm.
Postimi i plotë i Shpëtim Idrizit në Facebook
Pas shumë konsultimesh të brendshme kemi vendosur që slogani i fushatës sonë të jetë “Veç Një Atdhe”. E zgjodhëm këtë shprehje për slogan, jo vetëm se ky është thelbi i programit politik të partisë sonë por edhe sepse është si thirrja e duhur për kontekstin politik të trazuar të tanishëm. Ju ftoj që sloganin dhe logon përkatëse, ta shpërndani dhe ta vendosni si cover page të faqes suaj.
