Kombi i vogël ishullor i Tongës humbi një nga ishujt e tij më të vegjël, pasi një shpërthim gjigant vullkanik copëtoi tokën në copa gjatë fundjavës.
Forca e shpërthimit ishte 500 herë më e fuqishme se bomba atomike që SHBA hodhi në Hiroshima në fund të Luftës së Dytë Botërore, raporton NPR – një ngjarje gjeologjike shkatërruese dhe historike.
“Ne kemi dalë me një numër që është rreth dhjetë megaton ekuivalent TNT,” tha për NPR James Garvin, kryeshkencëtari në Qendrën e Fluturimeve Hapësinore të NASA-s Goddard.
Dhe kjo do të thotë se ishte gjithashtu tepër e zhurmshme. “Ky mund të jetë shpërthimi më i zhurmshëm që nga [shpërthimi i vullkanit indonezian] Krakatau në 1883”, i tha transmetuesit gjeofizikani i Shërbimit Gjeologjik të SHBA, Michael Poland.
Nuk është për t’u habitur, shpërthimi e ka lënë Tongën të rrënuar. Kombi është ende i shkëputur nga bota falë kabllove nënujore që duket se janë shkëputur nga ngjarja. Aeroporti është ende i mbuluar nga hiri, duke penguar çdo aeroplan të vijë me ndihma.
Një ishull u godit veçanërisht keq, ku thuhet se të gjitha shtëpitë janë shkatërruar. Ishulli që u zhduk pothuajse tërësisht, u formua në të vërtetë nga një platformë që u ngrit nga deti për shkak të aktivitetit më të madh vullkanik rreth gjashtë vjet më parë, duke lidhur dy ishuj më të vjetër në të dyja anët, sipas NPR.
Vetë shpërthimi ishte jashtëzakonisht i fuqishëm. Ai zgjati më pak se një orë, ndryshe nga shumë shpërthime të mëdha më të gjata.
Burimi i lajmit: THE BYTE. Përshtatur nga Tirana Today
