Një zjarr ka shpërthyer në një kamp emigrantësh në veri-perëndim të Bosnje e Hercegovinës. 29 persona kanë mbetur të lënduar, teksa përpiqeshin të dilnin nga dritaret për t’iu shpëtuar flakëve.
Zëdhënësi i policisë rajonale, Ale Siljdedic, tha se të lënduarit u dërguan në spitalin e Kladusës së madhe, pas shpërthimit të zjarrit në kampin Miral, që strehon 500 emigrantë.
Rreth 25,000 persona nga Azia dhe Afrika veriore, kanë hyrë në Bosnje nga Serbia dhe Mali i Zi, vitin e kaluar. Ndërkohë, vetëm 3,500 prej tyre ishin akomoduar në qendrat tranzitore, derisa pjesa tjetër ka mbetur rrugëve.
