Një shpërthim me lëndë plasëse ka ndodhur gjatë natës në Vaun e Dejës. Sipas policisë ngjarja ka ndodhur në fshatin Shelqet, rreth orës 00:40.
Mësohet se si pasojë e shpërthimit ka pasur dëme materiale. Ndërkohë grupi hetimor nën drejtimin e Prokurorisë, po punon për zbardhjen e plotë të ngjarjes, identifikimin dhe kapjen e autorëve të dyshuar.
“Me datë 11.01.2026, rreth orës 00:40, shtetasi A. F., banues në fshatin Shelqet, ka njoftuar se ka konstatuar të dëmtur derën kryesore të subjektit të tij(servis). Grupi hetimor, nën drejtimin e Prokurorisë, po kryen veprimet për sqarimin e rrethanave, dhe paraprakishtit dyshohet se është vendosur lëndë plasëse. Si pasojë, ka pasur vetëm dëme materiale. Po punohet për identifikimin dhe kapjen e autorit/ve.”, thuhet në njoftimin e policisë
