Një shofer që rrezikonte jetën e tij, por jo vetëm, është ndaluar nga Policia Rrugore e Tiranës. Kjo e fundit ka ushtruar një kontroll për gjatë gjithë natës në kryeqytet.
Në videon e publikuar në Facebook, shihet momenti kur shoferit i bëhet testi i alkoolit, pasi u ndalua teksa po ecte me shpejtësi dyfish mbi normat e lejuara.
30-vjeçari u ndalua në Bulevardin “Gjergj Fishta”, ku matja e radarit tregon shpejtësinë 92 km/h + 0.40 mg/l në brendësi të qytetit.
“Drejtuesi i mjetit Mercedes Benz ML, 30 vjeçari V.M, nga Tirana, u konstatua nga Radari me 92 km/h, ku shpejtësia e lejuar 40 km/h, dyfish mbi normat e lejuara.
Një kombinim i frikshëm shkeljesh për karakteristikat e rrugës dhe reagimin e drejtuesit me një përqendrim alkooli në nivele të tilla dhe me këtë shpejtësi, duke rrezikuar jetën e tij dhe të përdorueseve të rrugës”, deklaron Policia Rrugore.
