Gjykata e Tiranës ka shpallur të pafajshëm deputetin Tom Doshin për çështjen e kallëzimit të rremë për atentatin e supozuar ndaj tij.
Ndërkohë, Gjykata e Tiranës ka vendosur 1 vit burg për ish deputetin Mark Frroku, por për shkak të gjykimit të shkurtuar i mbeten 8 muaj burg. Por, Frrokut i pezullohet dënimi me burg dhe vihet në shërbim prove.
Ndërkohë që me 1 vit burg është dënuar Durim Bami. Kujtojmë se seancën e shkuar gjatë pretencës, prokuroria kishte kërkuar dënimin me nga një vit burg për deputetin Tom Doshi, ish-deputetin Mark Frroku dhe shtetasin Durim Bami, në akuze për “kallëzim të rremë”, lidhur me atentatin e supozuar ndaj deputetit Doshi.
