Fundjavat në futboll janë të mbushura me superndeshje dhe emocione që i dhuron vetëm sporti më i ndjekur në botë. Golat spektakolarë nuk kanë munguar asnjë javë, për më tepër këtë javë ata ishin të pranishëm në ligat më të forta në Europë.
Por goli më i bukur, një roveshatë perfekte vjen nga LaLiga2. Është mesfushori i Albacete, Eugeni, ai që ktheu në supergol një harkim të bukur në hyrje të zonës së rreptësisë. Ky ishte goli i parë i ndeshjes, ndërsa dy të tjerë e pasuan në pjesën e dytë.
Albacete e fitoi 2-1 sfidën kundër Alcorcon. Në këtë ndeshje Rei Manaj u aktivizua si zëvendësues pasi u hodh në fushë në minutën e 78’-të të ndeshjes.
