Ish-ministri i Shëndetësisë Ilir Beqaj ka qëndruar vetëm pak minuta në Prokurorinë e Posaccme Antikorrupsion.
Ai ka dalë nga ambientet e SPAK, ku firmosi para oficerit të BKH-së në lidhje me koncesionin e sterilizimit. Ndonëse është ‘bombarduar’ me pyetje nga gazetarët, Beqaj ka preferuar që mos të japë asnjë përgjigje për ta.
Ndaj tij janë caktuar masat e sigurisë “Detyrim për paraqitje” dhe “Ndalim i i daljes jashtë shtetit”. Prokuroria e Posaçme zyrtarizoi hetimin për ish-ministrin e Shëndetësisë, Ilir Beqaj, lidhur me koncesionin e sterilizimit të pajisjeve kirurgjikale, kontrata koncesionare 10-vjeçare afro 100 milionë dollarëshe, e cila u firmos në dhjetor 2015 dhe ende vijon.
