Dy persona kanë përfunduar në pranga, pasi kanë dëmtuar xhamin e parë, si dhe kanë qëlluar me pistoletë xhamin e pasëm të një makine tip Benz, me targë AA 487 AN, në pronësi të N.L., 51-vjeç.
Ngjarja ka ndodhur rreth orës 03:00, në vendin e quajtur “Dugajt e Reja” në Shkodër.
“E bukura” është se një tjetër person është shpallur në kërkim, pasi u shoqërua në polici, por ka arritur të largohet nga ambientet e komisariatit.
Në pranga kanë përfunduar:
Zef Sokoli, 24 vjeç, banues në fshatin Grudë e Re, Shkodër;
Valentin Ndreu, 23 vjeç, banues në fshatin Grudë e Re, Shkodër.
Këta të fundit akuzohen për “Prodhim dhe mbajtje pa leje e armëve luftarake dhe e municionit“, “Prishje e qetësisë publike”, “Kanosje”, “Shkatërrim Prone”.
Ndërkohë, është shpallur në kërkim K. D., 24 vjeç, banues në lagjen “Skenderbeg”, Shkodër.
Policia ka gjetur dhe sekuestruar, në cilësinë e provës materiale, 5 gëzhoja model 54 kalibri 7.62 mm, si dhe është përgatitur urdhëri i pezullimit disiplinor për 2 punonjësit e policisë dhe filloi ecuria e rëndë disiplinore për 4 punonjësit e tjerë.
