Së paku dy gra janë lënduar, pasi në autobusin që udhëtonin kanë rënë gurë nga mali.
Pasagjerët e një autobusi në Shëngjin janë tronditur, kur kanë parë sesi janë shkëputur gurë nga mali.
Raportohet se gurët kanë rënë nga mali, përgjatë aksit rrugor Lezhë-Shëngjin. Gurët e shkëputur kanë rënë mbi autobusin e mbushur me punëtorë të një fabrike.
Ende nuk dihet gjendja shëndetësore e dy grave që kanë pësuar lëndime. Uniformat blu kanë nisur hetimet, ndërsa sektori i mirëmbajtjes së rrugëve ka nisur punën për pastrimin e gurëve të rënë.
