Shumë njerëz kanë krijuar varësi nga filmat që ndjekin. Një i ri ka shkëputur energjinë e trenave në metro, e ndërsa është justifikuar me faktin se vjen nga Krypton.
“Unë vij nga Krypton, ishte një energji që më shtynte të lëvizja dhe të ndaloja trenat”. Kështu ka deklaruar para policisë 29-vjeçari, pasi gjatë të shtunës dhe të dielës ka bllokuar qarkullimin e trenave nëntokësorë në Milano.
Ai ishte i bindur se kishte mbërritur në Tokë nga Krypton, vendi nga ku sipas filmave ka ardhur Superman-i.
I riu shkëpuste vazhdimisht energjinë elektrike, duke paralizuar udhëtimin e trenave. 29-vjeçari pas shpjegimeve që dha para autoriteteve, është dërguar për një vizitë në një spital psikiatrik.
