Disa shkencëtarë thonë se varianti Kent i koronavirusit që është përhapur në Britaninë e Madhe duket se po pëson disa ndryshime të reja ‘shqetësuese’.
Testet në disa mostra tregojnë një mutacion, të quajtur E484K, i parë tashmë në Afrikën e Jugut dhe Brazil.
Sipas ekspertëve, megjithëse ky ndryshim mund ta zvogëlojë efektivitetin e vaksinës, ato aktuale që përdoren ende duhet të funksionojnë, shkruan BBC.
Britania e Madhe tashmë ka rritur masat për ta kontrolluar përhapjen e varianteve të reja.
Testimi urgjent për variantin e Afrikës së Jugut po fillon në pjesë të Anglisë dhe kufizimet e udhëtimit kanë hyrë në fuqi për të ndaluar përhapjen e mutacioneve.
Ekspertët e Shëndetit Publik në Angli, kanë gjetur vetëm disa raste të variantit me mutacionin E484K në vend, që u vërejt në 11 nga 214,159 mostra që ata testuan.
