Shkëlzen Berisha, djali i ish-kryeministrit Sali Berisha, ka ironizuar vendimin e kryeministrit Edi Rama për të marrë edhe postin e ministrin të jashtëm përkohësisht.
Me anë të një fotoje të publikuar në rrjetin social “Facebook”, Shkëlzen Berisha ironizon me Ramën duke paraqitur një fotomontazh të kryeministrit duke takuar veten.
“Kryeministri ne takim pune me Ministrin e Jashtëm”-shkruan Shkëlzen Berisha.
Kujtojmë se kryeministri Edi Rama mori vendimin për të marrë edhe postin e ministrin të jashtëm, pas refuzimit të presidentit Ilir Meta për të dekretuar në këtë post Gent Cakajn.
