Federiko Kieza ishte një ndër futbollistët kryesorë të Italisë në kampionatin evropian ”Euro 2020”, ku pati dhe një kontribut të madh me golat e tij, duke shpallur axurrët kampion të Europës.
Tashmë që Evropiani ka mbaruar, shumë klube të mëdha evropiane kërkojnë shërbimet e mesfushorit të Juventusit. Nga Gjermania, vjen një ofertë stratosferike, ku mediat e huaja bëjnë me dije se Bajern Mynih është gati të paguajë 80 milion euro për Kiezën.
Një shumë e lartë kjo, duke patur parasysh që ekipet gjermane dhe veçanërisht Bajern nuk shpenzojnë shuma të mëdha në merkato.
Disa ditë më parë, trajneri i ri i bavarezëve, Julian Nagelsman tha se i pëlqente shumë Kieza, dhe do të donte te kishte në ekip, edhe pse është i kushtueshëm.
”Kieza më pëlqen shumë, është lojtar i shkëlqyer dhe i fortë, por shumë i kushtueshëm”, ku me sa duket nuk kanë qenë thjesht një simpati e teknikut bavarez, por ka qenë pikënisja e një diskutimi që pritet të zgjasë gjatë gjithë verës.
