Presidenti i një prej klubeve të Serisë A është vënë në pranga, për shkelje financiare mes të cilave edhe deklarimin e falimentit të kompanive që administron. Ky lajm ka tronditur futbollin italian.
Masimo Ferrero është arrestuar nga Guardia Di Finanza, pas hetimeve të hapura nga Prokuroria në Kalabria, rreth marrëveshjeve financiare të biznesmenit italian. Ai hetohet për shkelje financiare, mes të cilave edhe deklarimin e falimentit të kompanive që administron.
Sipas informacioneve në mediat italiane, klubi nuk është i përfshirë në shkeljet për të cilat akuzohet presidenti i Sampdorias. Ferrero është transferuar sot në burg për masën e arrestit, ndërsa për 5 persona të tjerë është vendosur masa “arrest shtëpie”.
