Marrëdhëniet Turqi-Greqi vijojnë të jenë në kulmin e tensioneve. Pas shkeljes së hapësirës ajrore nga avionët luftarakë turq në disa ishuj grekë në Detin Egje, vjen edhe përgjigja e Greqisë.
Ministri grek i Mbrojtjes ka reaguar ashpër, teksa i ka dhënë një paralajmërim të fortë Turqisë, për të mos shkelur integritetin e vendit në Egje.
Gjatë një vizite në një njësi ushtarake në ishullin e vogël të Leros, Kammenos deklaroi se “nëse bëjnë lëvizjen më të vogël, ne do t’i shtypim ata”, duke shtuar më vonë se Greqia dëshiron paqe dhe harmoni, “por nuk jemi të përgatitur të pranojmë lëshimin e një centimetri të vetëm të tokës sonë”.
Ministri grek i Mbrojtjes vuri në dukje se turqit kanë kryer konfrontime fizike, që provokojnë tensione të mëtejshme duke çuar në “shpërthimin e ujërave të paeksploruara” në marrëdhëniet mes dy vendeve./ TIRANA TODAY
