Kryeministri Edi Rama, ka reaguar pas aksionit të madh policor që çoi në pranga 11 persona si pjesë e grupit te rrezikshëm kriminal në Shkodër. Me anë të një shënim në Twitter, kryeministri i vendit shkruan se “Policia e Shtetit foli përsëri me forcën e vendosmërisë sonë në luftën kundër krimit”.
Ndër të tjera ai nuk i ka kursyer elozhet as për Prokurorinë, duke thënë se gëzon respekt për vendosmërinë e këtij institucioni. Këto përgëzime dhe fjalë të mëdha Ramë, i ka lëshuar në drejtim të ministri Xhafaj, dhe kryeprokurores Donika Prela.
“Policia e Shtetit foli përsëri me forcën e vendosmërisë sonë në luftën kundër krimit. Forca e Ligjit prangosi rrjetin kriminal të Shkodrës pas një pune policore disamujore të shtrirë edhe jashtë vendit. Respekt dhe për vendosmërinë e Prokurorisë. Forca e Ligjit po përshkallëzohet?”, shkruan Rama.
Policia e Shtetit së bashku me Prokurorinë e Krimeve të Rënda ka dhënë detaje lidhur me operacionin “Oaz” ku është shkatërruar grupi “Bajri”. Nga ky operacion janë vënë në pranga 11 persona dhe 2 janë shpallur në kërkim. Detajet u bënë të ditura nga kreu i policisë Ardi Veliaj dhe kryeprokurorja e Krimeve të Rënda Donika Prela.
