Dritan Demiraj u propozua nga kreu i Partisë Demokratike për të mbajtur postin e ministrit të Brendshëm.
Por, çfarë po bënte Demiraj një ditë para se të propozohej si ministër?
Nga postimi i tij i fundit në Facebook, ai shfaqet teksa po stërvitej në Kick Boxing me një studente.
Duket se pavarësisht postit të ofruar, Demiraj ka vazhduar aktivitetet e tij normale në SHBA.
Ai u lirua nga detyra para 3 vitesh nga ministja Kodheli, pas 31 vitesh kontribut në Forcat e Armatosura të Republikës së Shqipërisë.
Lirimi erdhi për shkak se “ishte larguar pa leje jashtë shtetit”, gjë që bëri bujë në atë kohë, ndërsa së shpejti Demiraj pritet të jetë në të njëjtin kabinet qeveritar me Kodhelin.
