Për herë të parë, vlera totale e pasurisë së 100 miliarderëve më të pasur të teknologjisë në botë, ka tejkaluar shifrën marramendëse 1 trilion dollarë. Sipas Forbes, kjo vlerë totalë ka pësuar një rritje prej 21% krahasuar me një vit më parë.
Stafetën e miliarderëve e mban Bill Gates, i cili ndiqet nga konkurrenti i tij Jeff Bezos. Ky i fundit, miliarder i Amazonës, në korrik u bë njëri më i pasur në botë, por kjo zgjati vetëm pak orë.
Gates ka një pasuri prej 84.5 miliardë dollarë, i ndjekur nga Bezos, me 81.7 miliardë dollarë.
Themeluesi i Facebook, Mark Zuckerberg renditet i treti, me 69.6 miliardë dollarë, me rreth 16 miliardë më shumë në krahasim me një vit më parë.
50 nga 100 personat më të pasur janë shtetas amerikanë, 33 janë nga Azia, ku gjysma e tyre jetojnë në Kinë apo Hong Kong.
Ndërsa Lei Jun, themeluesi i Xiami është personi që ka pësuar më shumë humbje gjatë këtij viti, të cilat llogariten të kenë arritur vlerën 2.9 miliardë dollarë.
