Trupa e Baletit Kombëtar të Kosovës do të japë shfaqje sot në Qendrën për kulturë të Tetovës.
Shfaqja “Një legjendë për dashurinë”, vjen me koreografi të Pullumb Agalliut dhe do të shfaqet sot në orën 19:00 në hapësirat e Qendrës për Kulturë në Tetovë.
Përmbajtja e shfaqjes:
Në oxhakun e Bardhëve lind një vajzë, të cilën e quajnë Borana (Teuta Krasniqi) me rastin e borës së parë. Borana rritet dhe bëhet vajza më e bukur në fshat.
Bajrori (Fatmir Smani, Sead Vuniqi) dhe Ujkani (Sinan Kajtazi, Donmir Bilalli) janë dy djemtë që shprehin dëshirë të miqësohen më të. Borana u vë një kusht të dyve: cili do ta rrëmbejë shaminë e kuqe, do të miqësohet me të. Shaminë e rrëmben Bajrori dhe këtu nis gjithçka. Ujkani nga xhelozia e tepërt vendos të hakmerret.
“Një legjendë për dashurinë”, u dha premierë në Prishtinë pikërisht në 45 vjetorin e themelimit të Baletit Kombëtar të Kosovës.
