Sherr mes dy vëllezërve, njëri dërgohet me urgjencë në spital

Një përleshje mes dy vëllezërve ka ndodhur ditën e sotme në Tiranë. Ata janë konfliktuar për motive të dobëta, ku njëri prej vëllezërve ka marrë lëndime dhe është dërguar në spital.
Informacion Paraprak
Më datë 14.08.2018, rreth orës 11:54, në rrugën “Meme Meto” janë konfliktuar për motive të dobëta dy vëllezër (shtetasit I. X., dhe A. X.,) ku gjatë konfliktit shtetasi I. X., ka qëlluar në trup me mjet prerës, vëllain e tij, shtetasin A. X.
I dëmtuari A. X., është transportuar në spital për ndihmë mjekësore dhe ndodhet jashtë rrezikut për jetën. Shërbimet e Policisë kanë kapur dhe shoqëruar në Komisariatin e Policisë Nr.4, për veprime të mëtejshme autorin I. X., si dhe kanë sekuestruar në cilësinë e provës materiale mjetin prerës.