Reperi me prejardhje nga Kosova, Granit M., i njohur me emrin artistik “Azet”, është përfshirë në një sherr masiv në Kosovë. Mediat rozë shkruajnë se sherri ka ndodhur në parkingun e një hoteli, ku ai së bashku me shoqërinë e tij, dhe disa shqiptarë me banim në Zvicër, janë përleshur me njëri-tjetrin.
Sapo është njoftuar për këtë situatë të tensionuar, policia ka kontrolluar mjetet luksoze të dy grupeve dhe dhomat e tyre të gjumit. Po kështu kanë sekuestruar në cilësinë e provës materiale disa shkopinj bejsbolli.
Reperi shqiptar me banim në Gjermani ka korrur sukses me këngën e tij më të re të titulluar “Qa bone”, e cila u prit mirë nga fansat.
