Shërbimet sekrete ruse njoftuan sot arrestimin e dy anëtarëve të dyshuar të organizatës së Shtetit Islamik (ISIS) që po përgatisnin të kryenin sulme makabre me thikë të premten në Moskë gjatë rinisjes së vitit të ri shkollor.
“Sipas një deklarate të FSB (ish-KGB) dy burrat me origjinë nga Azia Qendrore u arrestuan ndërsa po planifikonin akte terroriste në zona mjaft të frekuentuara më 1 shtator. Njëri kishte si mision të sulmonte me thikë civilët, ndërsa tjetri do të aktivizonte brezin me eksploziv”, sipas agjencisë TASS.
Data 1 shtator përkon me ditën e parë të vitit të ri shkollor në Rusi. Familje dhe fëmijë sipas traditës shkojnë së bashku me një pjesëmarrje të konsiderueshme në shkollë.
Rusia po kërcënohet në mënyrë të përsëritur nga ISIS-i dhe nga dega siriane e Al-Kaedës që prej nisjes së ndërhyrjes së saj ushtarake në Siri më 30 shtator 2015.
