Shënohen 57 vjet që nga krijimi i gjimnazit “Skënderbeu” në Preshevë. Ky përvjetor është kujtuar me një ceremoni të thjeshtë, duke bërë një organizim brenda objektit shkollor.
Fillimisht drejtori i gjimnazit Nader Sadiku, bashkë me stafin, vendosën një kurorë lulesh pranë bustit të Gjergj Kastriot Skënderbeut, i cili gjendet në oborrin e kësaj shkolle. Ndërsa më pas, u luajtën disa ndeshje futbolli, basketbolli dhe volejbolli në sallën e sportit.
Edhe profesoresha e artit figurativ Seude Selimi kishte hapur një ekspozitë me fotografi të punuara nga nxënësit në korridorin e kësaj shkolle.
