Dita e sotme është kremtuar në të gjithë botën si dita e të dashuruarve, ndërsa nuk kanë munguar edhe rastet ku disa të çifte janë arrestuar nga policia. Por jo të gjithë çiftet në botë janë të lirë të festojnë ditën e të dashuruarve, pasi normat dhe ligjet në vendin e tyre, ua ndalojnë një gjë të tillë.
Më shumë se 20 çifte janë arrestuar në Indonezi për shkak të festimit të Ditës së të dashuruarve. Në Surabajë, qytet i dytë për nga madhësia në Indonezi në lindje të Javës, policia ka kryer kontroll në hotele dhe ka burgosur më shumë se 20 çifte për të cilat dyshonte se kishin thyer ndalesën për festimin e 14 shkurtit, respektivisht Ditës së të dashuruarve.
Disa qytete në Indonezi ndaluan festimin e Ditës së të dashuruarve, ndërsa policia “gjahun e të dashuruarve” e kishte kryer në më shumë provinca të këtij vendi mysliman. Në ishullin Lombok, në Bali, autoritetet lokale në qytetin Matarama e urdhëruan policinë të kontrollojnë shkollat dhe të zbulojnë nëse ndonjëri nga nxënësit e feston festën, që është karakteristike për Perëndimin.
Në provincën Açeh, e vetmja në Indonezi ku zbatohet Ligji i sheriatit, autoritetet e ndaluan Ditën e të dashuruarve me shpjegimin se ajo nuk është pjesë e kulturës së tyre.
