Ditën e sotme mediat kanë zbuluar një projektligj i cili i hapte rrugën shembjes se Teatrit Kombëtar. Këtë vendim të qeverisë, artistët e kanë kundërshtuar. Ata janë mbledhur për të protestuar godina e këtij institucioni.
Artistët bëjnë thirrje të mos shembet godina e Teatrit Kombëtar. Gjatë fjalës së tij, aktori i madh Robert Ndrenika ka thënë se kjo që po bën qeveria mund ta bëjë vetëm presidenti Erdogan në Turqi.
“Nuk marr vesh se çfarë po ndodh. Kemi qenë tek presidenti dhe na ka dhënë shumë të drejtë, kemi qenë dhe tek kryetari i Kuvendit na ka dhënë të drejtë, dhe opozita është me ne. Kam përshtypjen se dhe shumë nga partia socialiste janë me ne. Vetëm Erdogani i bën këto punë, duhet që të ulemi në bisedime”- ka thënë ndër të tjera Robert Ndrenika.
