Kreu i Departamentit të Mjedisit në Partinë Demokratike, Abi Malltezi, ka reaguar lidhur me ngjarjen e vështirë që po ndodh në Liqenin e Thatë, ku një person ka hipur në çatinë e shtëpisë dhe kërcënon se do të vetëvritet.
Nga ana tjetër, ka nisur prishja e murit rrethues të kësaj banese, ndërsa Malltezi shkruan se Rama po ndjek dy standarde në lidhje me pronat e shqiptarëve në Liqenin e Thatë.
Ai thekson se Rama nuk prish vilat e ndërtuara gjatë qeverise se tij brenda në park, por prish shtëpitë e banimit të njerëzve pa mbrojtje.
“Dyfytyresia ne veprim! Me 29 Janar 2015 nga foltorja e PD denoncova ndertimet e paligjshme te ndertuesit te sarajeve te Surrelit qe po shperblehej ne natyre me ndertime te paligjshme mes parkut te madh te Tiranes ne kundershtim me 4 ligje ne fuqi. Hajduti Lame doli te beje deshmitarin fals por e mbylli gojen kur i paraqitem edhe vendimet e KRTRSH edhe vendimet per prishje. Sot po shoh nje Tiranas maje catise se vet se do i prishin shtepine qe ka ndertuar para 20 vitesh se eshte brenda zones se mbrojtur! Pse z. Nela tashme i ka te ligjshme sarajet? Ndryshoi gje vija e parkut sipas deshires se edit te surrelit?”, shkruan Malltezi në Facebook.
