Deputeti i Partisë Demokratike, Tritan Shehu e cilëson “ceremoni” tragjiko-komike atë për autoambulancat e reja, duke theksuar se ceremoni të tilla i shkojnë për shtat vetëm vendeve të Afrikës Qendrore.
Të tilla “ceremoni” tragjiko-komike si kjo e sotmja për autoambulancat i shkojnë për shtat vetëm vendeve të Afrikës Qendrore.
A mundet Kryeministri i një vendi evropian të krenohet kështu me pompozitet vetëm sepse janë importuar disa autoambulanca?!
Thuhet që kanë ardhur 36 copë, në fakt u panë nja 10 të tilla, kur me bujë ishin premtuar 100.
Askush nuk demonstron dhe as shpjegon gjithashtu çfarë niveli transporti mund të sigurojnë këto, duke u bazuar në pajisjet që duhet të kenë.
Por pavarësisht nga këto, importi i disa autoambulancave nuk mund të përbëjë një eveniment kryeministerial për shëndetësinë tonë, që është në katastrofë të plotë.
Nuk nxirret kështu sistemi ynë nga “Këneta Afrikane” ku e ka katandisur kjo Rilindje.
