Dërgimi i aeroplanmbajtësen e tretë në rajonin perëndimor të Paqësorit nga ana e SHBA-ve, është një paralajmërim i dukshëm ndaj Koresë së Veriut për të penguar programin e saj bërthamor dhe balistik, thanë dy burime.
Duhet theksuar se ushtria amerikane rrallë ka dislokuar tre aeroplanmbajtëse në të njëjtin rajon.
Aeroplanmbajtësja USS Nimitz, një nga anijet luftarake më të mëdha në botë, do t’i bashkohet aeroplanmbajtëseve USS Carl Vinson dhe USS Ronald Reagan, në perëndim të Paqësorit.
Por kërcënimi në rritje nga Koreja e Veriut shihet si një sfidë madhore e sigurisë për presidentin Donald Trump, i cili është zotuar ta ndalojë atë vend të zhvillojë aftësi për të goditur Shtetet e Bashkuara me një raketë bërthamore, kapacitet që Pheniani mund ta ketë pas vitit 2020.
Përkrah kryeministrit japonez Shinzo Abe, zoti Trump tha të premten para takimit të G-7 në Siçili se Koreja e Veriut do të ishte një fokus i veçantë i takimit.
