Shtetet e Bashkuara të Amerikës bëjnë thirrje që të gjitha partitë të hyjnë në zgjedhje.
Apeli vjen nga nënsekretari amerikan i Shtetit për Çështjet Politike, Thomas A. Shannon.
Ky i fundit, gjatë takimit me ministrin e Jashtëm, Ditmir Bushati, inkurajoi përfshirje të gjerë të partive politike në zgjedhje, duke u pozicionuar kundër paralajmërimeve të opozitës për bojkot.
Gjithashtu, në takim u fol mbi interesat e përbashkëta të marrëdhënieve dypalëshe dhe në rajon, ndërsa ambasadori amerikan riafirmoi partneritetin e ngushtë midis Shteteve të Bashkuara dhe Shqipërisë, si dhe mbështetjen e fortë të SHBA-së ndaj përpjekjeve të Shqipërisë për reformën e gjyqësorit.
