Ushtria amerikane ka hedhur bombën më të madhe jo bërthamore të përdorur ndonjëherë në Afganistan, “GBU-43 / B Massive Ordnance Air Blast Bomb The (MOAB)”, e njohur si “nëna e të gjitha bombave”. Ajo u testua për herë të parë në vitin 2003, por nuk u përdor.
Pentagoni tha se ajo kishte rënë nga një avion amerikan në provincën Nangarhar. Lajmi erdhi disa orë pasi Pentagoni pohoi sulmin që u krye mbi Siri.
Bomba, që peshonte 9,800 kg, u hodh në rrethin e Achin, të enjten mbrëma sipas orës lokale.
“Ne në shënjestër kishim një seri tunelesh, që ISIS i përdorte për të lëvizur lirshëm, duke e bërë më të lehtë mundësinë e sulmeve ndaj ushtrisë amerikane”, tha Sekretari i Shtypit i Shtëpisë së Bardhë, Sean Spicer.
Ai tha se janë marrë masat e nevojshme për të parandaluar viktimat civile. Zona, ku bomba u hodh, është kryesisht malore dhe pak e populluar, thonë korrespondentët e BBC.
