Stoke City zyrtarisht është ekipi i parë që ka rënë nga Premier League, pasi dështoi sot përballë Crystal Palace ku vetëm tre pikët i bënin punë, por të cilat nuk erdhën. Xherdan Shaqiri shënoi për ekipin e tij një supergol nga goditje dënimi, por që në fund të ndeshjes nuk mjaftoi, pasi miqtë përmbysën gjithçka.
Pas një pjese të parë të mirë, ku Stoke po fitonte falë golit të shqiptarit që luan për Zvicrën, në të dytën gjërat ndryshuan. Stoke dukej e lodhur në fushë dhe ekipi mik fitoi terren dhe mori në dorë ndeshjen duke shënuar dy golat që sollën përmbysjen dhe rrënimin e Stokes. Golin e barazimit e gjetën në minutën e 68, ndërsa atë të fitores 4 minuta nga përfundimi i kohës së rregullt. Me këtë rezultat, Stoke e Shaqirit bie në kategorinë inferiore pas një dekade në Premier Ligë.
