Mbrëmjen e së dielës është mbajtur ceremonia e 90-të e ndarjes së çmimeve Oscar në Los Angelos.
Në këtë mbrëmje gala, ka triumfuar filmi “The Shape of Water”, një dramë romantike.
Filmi i regjisorit Guillermo del Toro, flet për një grua pastruese, e cila bie në dashuri me një krijesë të çuditshme të lumit.
“The Shape of Water” ka pasur 13 nominime, ndërsa ka fituar katër prej tyre.
Aktori më i mirë u zgjodh Gary Oldman, i cili fitoi Oscar për rolin e tij si udhëheqësi britanik i kohës së luftës, Winston Churchil, në filmin “Darkest Hour”.
Ndërkohë, aktorja më e mirë u zgjodh Frances McDormand, për rolin në filmin “Three Billboards Outside Ebbing, Missouri”.
