“Shakira është e të gjithëve”, Espanyol ndëshkon tifozët

Derbi i katalonjës që apo lamë pas ka qenë një ndeshje e luftuar shumë fort dhe ka kaluar parimet e një ndeshje futbolli. Tifozët e Espanyol kanë shpalosur në tribunë një banderolë tallëse për këngëtaren kolumbiane Shakira, njëkohësisht edhe bashkëshortja e Gerard Pique. Ky i fundit u përgjigj me një gol në minutat e fundit dhe shkoi të festonte pikërisht para tyre dhe u bëri shenjë që të heshtnin. Tifozët në “Estadi Cornella-El Prat” zbuluan një banderolë ku shkruhej “Shakira es te todos”, që përkthehet “Shakira është e të gjithëve”.

Joan Collet, shefi ekzekutiv i klubit katalanas ka kërkuar falje për këtë gjest të bërë nga tifozët e tij dhe është shprehur se nuk klubi nuk ishte në dijeni e janë ndëshkuar autorët.  “Ne jemi kundër asaj që ndodhi. Zakonisht tifozët konsultohen me ne për këngët dhe banderolat e tyre. Në këtë rast nuk e dinim dhe ne gjithashtu u ndjemë të tradhtuar për këtë veprim. Mësuam se banderola nuk kishte hyrë në stadium, por ishte shkruar atje. Ata tifozë janë penalizuar dhe nuk do të ndjekin më skuadrën tonë.”