Shakira nuk ishte aspak e kënaqur, pasi nëna e saj Nidia Ripoll iu përgjigj disa pyetjeve të gazetarëve, në lidhje me ndarjen e fundit të vajzës së saj nga Gerard Pique. Ripoll thuhet se ka theksuar se do të dëshironte që Shakira dhe Pique të zgjidhnin mosmarrëveshjet e tyre, por këngëtarja e famshme thuhet se i ka kërkuar asaj të heshtë.
Sipas “Informalia”, Ripoll ka qenë në Barcelonë javët e fundit. Ajo po qëndron me vajzën e saj, pas ndarjes nga Pique.
“Sigurisht që unë do të doja që ata të kthehen së bashku”, tha Ripoll për “Europa Press”.
“Ajo po ndihet më mirë çdo ditë, falë Zotit”. Megjithatë, këngëtarja nuk ishte e lumtur për këtë intervistë për shtypin, të cilët javët e fundit kanë qëndruar jashtë shtëpisë së Shakirës në Barcelonë.
Ripoll është pyetur edhe për thashethemet për kalimin e Shakirës në Miami, por nuk ka thënë asgjë.
“Nuk e kam idenë, ne nuk kemi folur për këtë”, tha ajo për mundësinë që vajza e saj të kthehej përtej Oqeanit Atlantik.
A mund ta falë Shakira-Pique-n?
Shakira thuhet se është e gatshme të falë Pique-n, i cili dyshohet se e tradhtoi këngëtaren e njohur me një grua me inicialet C. C. “Informalia” raporton se Shakira është tronditur nga veprimet e Piques, por se është e gatshme ta falë, pasi ende e do.
Ka edhe raportime që pretendojnë se Pique nuk është më me vajzën bionde me të cilën u pa pas ndarjes nga Shakira. Çifti njoftoi se do të ndahej në fillim të qershorit, por që nga ajo kohë asnjë nga të dy nuk ka bërë asnjë koment publik për këtë çështje. Megjithatë, ka pasur shumë thashetheme, duke përfshirë raportet e lartpërmendura për një lëvizje në Miami nga Shakira, e cila mund të marrë me vete fëmijët e saj dhe të Piques, Milan dhe Sasha.
Burimi i lajmit: MARCA. Përshtatur nga Tirana Today
