Ne shohim nëpër filma fantastik-shkencorë njerëz që zhvendosen në Mars ose rrezikojnë nëpër shtigjet e hapësirës. Ndonëse teknologjia e ka sjellë fantastiken më afër realitetit, në rrugën e pushtimit të hapësirës ka një sfidë: përshtatja e trupit njerëzor.
Trupi i njeriut u ndërtua për të jetuar në Tokë. Trupi i vendosur në hapësirë reagon në mënyra të pakëndshme. Ndërkohë që fluturojnë në hapësirë, shumë astronautë përjetojnë të vjella dhe marrje mendsh. Kur kthehen ata janë të paqartë, kanë dhimbje koke, atrofi të muskujve, kocka të dobëta dhe ndoshta edhe preken nga kanceri i mushkërive dhe rrezatimi kozmik në galaktikë.
Rreziku i prekjes nga kanceri
Astronautët tashmë po përballen me një rrezik në rritje të kancerit të mushkërive për shkak të ekspozimit ndaj rrezatimit. Një studim i kohëve të fundit parashikon që rreziku i prekjes nga kanceri për astronautët që udhëtojnë drejt Marsit do të dyfishohet. Astronauti Scott Kelly thotë se misioni i Marsit është ‘i realizueshëm’.
Shkencëtarët shqetësohen se si njerëzit do të kryejnë marrëdhënie seksuale në hapësirë.
“Ndryshimi më i madh është ekspozimi ndaj rrezatimit. Rrezatimi është 100 herë më i fortë krahasuar me ekspozimin tonë këtu në Tokë”, tha Raffi Kuyumjian, kirurg i fluturimit për Agjencinë Hapësinore Kanadeze. “Ekspozimi i rrezatimit përtej orbitës së ulët të Tokës është edhe më i lartë … do të jetë 1.000 herë më i lartë”.
Ndërkohë që asnjë astronaut që ka jetuar në stacionin hapësinor nuk ka raportuar se është prekur nga kanceri, por mund të jetë akoma shumë herët për të folur për këtë.
“Kjo mund të kërkojë 10 deri në 15 vjet të identifikohet”, tha Kuyumjian.
NASA po shqyrton mbrojtjen më të mirë nga rrezatimi, por deri më tani nuk ka asnjë konkluzion përfundimtar. (TIRANA TODAY)
