Brazili ka mposhtur pa shumë sforco Serbinë me rezultatin e pastër 2-0 dha ka blinduar vendin e parë në grup. Ndeshjen e radhës të besuarit r Tites do të përballen me Meksikën. Selecao zbresin në fushë me të njëjtin formacion, por një lëndim i shpejtë i Marcelos i detyroi të kryejnë shumë shpejt zëvendësimin e parë.
Nuk dihet se në çfarë shkalle është dëmtimi i yllit të Real Madrid, por nëse nuk do të kthehej do të ishte një goditje e rëndë për Brazilin. Gjithsesi ishte Paulinho ai që zhbllokoi rezultatin me një gol të bukur që erdhi nga një pasim po aq i bukur i Coutinho-s.
Pas pushimit ishin serbët ata që ushtruan presion por Thiago Silva vrau ndeshjen me goditjen e tij me kokë pas goditjes së këndit.
Ndërkohë në ndeshjen tjetër, Zvicra është barazuar në fundin e ndeshjes nga Kosta Rika 2-2. Ishte Blerim Xhemaili që shënoi që në pjesën e parë për helvetët.
Ndërsa në të dytën ishte Watson që barazoi me një gol të bukur me kokë. Goli i Drmic në fund të takimit u duk si i dha tre pikët ekipit të tij, por në të 93’-tin minutë ishte sërish Kosta Rika që gjeti rrugën e rrjetës. Zvicra arrin një kualifikim të merituar dhe do të ndeshet me Suedinë në 1/8-at.
