Ndryshe nga politikat e qeverisë, qytetarët serb janë të mendimit që janë më mirë me BE-së sesa me Rusinë. Rreth 52% e shtetasve serbë janë shprehur në favor të anëtarësimit të tyre në Bashkimin Evropian. Shifrat janë prej sondazhit të fundit të kryer nga Ministria e Integrimit Evropian e Serbisë. Kujtojmë se Vuçiç shpesh i ka bërë presion BE-së ashtu si kryeministri Rama se do të shkojnë më Rusinë në qofte se anëtarësimi i dy vendeve vonohet.
Ministrja e Integrimit Evropian, Jadranka Joksimoviç u shpreh e kënaqur me sondazhin e fundit, që kjo ministri kryen çdo gjashtë muaj, ku në dy të mëparshmet rezultatet kanë qenë 47% dhe 49% në favor të integrimit të Serbisë në BE.
“Pas kaq shumë kohësh ne arritëm ta tejkalonim kufirin e 50% dhe unë jam shumë e kënaqur “, deklaroi ajo.
Gjithashtu, Joksimovic deklaroi se në bazë të të dhënave, 65% e të anketuarve thanë se mbështesnin procesin e reformave në serbi, pavarësisht negociatave të Serbisë me Brukselin.
“Dhe kjo tregon se, serbët dëshirojnë një vend më modern dhe efikas”, theksoi ajo.
