Kryetari i Komisionit të Senatit amerikan për Shërbimet e Armatosura, John McCain mbërriti sot në Tiranë, ku deri më tani është takuar me ministren e Mbrojtjes, Mimi Kodheli, dhe kreun e Kuvendit, Ilir Meta.
McCain u prit në areoport nga ambasadori amerikan, Donald Lu, dhe Ministria e Mbrojtjes, Mimi Kodheli. Ajo e ka njohur senatorin me progresin në fushën e mbrojtjes, ndërsa pritet të takohet me kryeministrin Rama, në orën 18:00. McCain do të takohet gjithashtu, edhe me kryetarin e opozitës, Lulzim Basha.
Vizita e zyrtarit amerikan në Tiranë, vjen në një kohë krize politike, për shkak të protestës dhe bojkotit të opozitës. Pritet që gjatë qëndrimit në Shqipëri, John McCain t’u drejtohet me një mesazh drejtuesve të institucioneve dhe partive politike.
