Senatori amerikan, Bernie Sanders, lë në mes fushatën e tij pasi është shtruar në spital me dhimbje gjoksi.
Mediat amerikane raportojnë se Sanders u shtrua në spital të martën, ndërsa stafi i tij ka njoftuar se mjekët i kanë vendosur dy unaza në një arterie të bllokuar.
“Senatori Sanders po bisedon me njerëzit dhe është në humor. Ai do të pushojë gjatë ditëve të ardhshme. Ne po anulojmë takimet e planifikuara deri në një njoftim të mëtejshëm, dhe do të vazhdojmë të bëjmë përditësimet e nevojshme”, u shpreh këshilltari i fushatës së tij, Jeff Weaver.
Senatori 78-vjeçar i Vermontit, nisi të ndjejë shtrëngime në gjoks gjatë një takimi fushate në Las Vegas të Nevadës. Ai është një ndër kandidatët kryesorë demokratë për zgjedhjet presidenciale të 2020s.
